Къэзыгъэзэжьыгъэ Адыгэ нэбгритIу хэкум рагъэкIынхэу

Коблэ Муамар - Хьаткъо Щамис

 Илъэс 20 ипэкIэ Тыркуем къикIыжьи Адыгэ хэкум къэзыгъэзэжьыгъэу, унагъо хэкум щигъэпсыгъэу, Хы Iушъо Щапсыгъэм щыпсэуоу Коблэ Муамар Урысые Федерацием игражданство ахынэу Краснодар судым унашъо ыщтагъ. Ащ шъхьэусыгъоу фашIыгъэр илъэс 20 ипэкIэ Муамар унэу зитхэгъагъэм щымыпсэуоу нэмыкI унэгорэм щыпсэугъоу аIо. КъакIорэ мафэхэм Муамар апшъэрэ судым екIолIэнэу зегъэхьэзыры.

Илъэс заулэ ипэкIэ Германием къикIыжьи Адыгэ хэкум къэзыгъэзэжьыгъэу, Къэбэртае-Бэлкъар Республикэм щыпсэуоу, Налщыч дэт апшъэрэ еджапIэм щеджэу Хьаткъо Щамис (Тарик Топчу) Урысые Федерацием илъэситфэ щыпсэунэу тхьапэхэр иIыгъагъэх. Ахэм япIалъэ зэухым джыри зэ ахэр илъэситфэ лъигъэкIотэнэу къыфадагъэп ыкIи Урысые Федерацием уикIыжьын фай къыраIуагъ. Щамис Къэбэртае-Бээлкъарым щыIэ зэфэшъхьэф судхэм акIолIагъ ау зи къикIыгъэп. Урысые Федерацием и апшъэрэ судым екIолIэнэу къэлъагъо.

adygeway.blogspot.com