Мэзаем и 16-м, парти "Уцышъохэм" икъотамэу Адыгэ Республикэм щылажьрэм игъэцэкIакIо куп хэтхэм Мыекъуапэ зэхэсыгъо щыряIагъ. Ащ хэлэжьагъэх Мыекъопэ къэлэ хасэм щыщхэри.
Зэхэсыгъом Адыгэ Республикэм экологие лъэныкъомкIэ Iоф зэшIомахыгъэу щыIэхэм атегущыIагъэх ыкIи ахэм язэфэхьысыжьыхэр тхыгъэхэу агъэхьэзырынэу ары, гъэтхапэм и 4-м, парти "Уцышъохэv" зэфэсэу Москва щыряIэщтым халъхьэным пае.
Зэхэсыгъор заухым, Мыекъопэ къэлэ хасэм игъэцэкIакIо куп хэтхэр къанэхи, хасэм иIофыгъохэм атегущыIагъэх. МыщкIэ нахь къыхэдгъэщын тлъэкIыщт Адыгэ РеспубликэмкIэ Адыгабзэр законым дищтэу зэрамыгъэфедэрэм пае къэлэ хасэм хэтхэм Адыгэ Республикэм ихьыкумэт судым зэрэратыгъэр. Мы IофымкIэ судым зэхэсыгъо заулэ иIагъ ау джыри унашъо ыщтагъэп. Гъэтхапэм и 2-м судым зэхэсыгъо иIэщт.
Информацие Гупчъэ
