Цундышк Заурбый Бгъанэ Алый
Iоныгъом и 29-м Сирие Адыгэхэм апае ящэнэрэ мафэу Мыекъуапэ пикет щашIы. Непэ, Мыекъопэ Хасэ итхьэматэ Цундышк Заурбыйрэ гъэцэкIакIо купым хэтэу Бгъанэ Алыйрэ, тхьапэ инхэу аIыгъэхэм Сирие Адыгэхэр хэкум къэщэжьыгъэн фае атетхагъэу, Мыекъуапэ дэт утыкIоу Ленини зыфиIорэм зырыз зырызэу тетыгъэх.
Тыгъуасэ, Iоныгъом и 28-м джащ фэдэу Ленин утыкIум тетыгъ Адыгэ активистэу Хъуадэ Аднан. Тыгъуасэнэхьыпэ, Iоныгъом и 27-м Ленин утыкIум тетыгъ Мыекъопэ Хасэ игъэцэкIэкIо куп хэтэу Хьанэхъукъо Хьазраил.
Урысие Федерацием изаконкIэ мыщ фэдэ пикетхэм ахэлэжьэн фитыр зы цIыф закъу неIэп. Ащ нахьыбэ зэгъусэу Митинг-зэхахьэ ашIынэу фаехэм тхьэмафэ иIэу къалэ администрацием тхьапэкIэ зыфагъэзэн фае ыкIи ащ фитыныгъэ къаритын фае. Мы аужьырэ илъэсхэм ащ фэдэ митингхэр ашIынэу фитынгъэхэр къаратырэп. Ащ пае цIыф закъу митингхэр (пикетхэр) ашIы.
Мыекъопэ къэлэ хасэм хэтхэм къызэраIуагъэмкIэ пикетхэр джыри къырагъэкIокIыщтых ыкIи митинг ин ашIынэу тхьапэхэр къэлэ администрацем чIалъхьэнкIи мэхъу.
Цундышк Заурбый
Бгъанэ Алый
Хъуадэ Аднан
Хьанэхыкъо Хьазраил
Хьанэхъукъо Хьазраил ЩашIэ Аслан Хъуадэ Аднан Бгъанэ Алый
Хъуадэ Аднан Аджыгыр Аскэрбый