четверг, 10 апреля 2014 г.

ХэбзэгъэуцугъакIэм адыгэ лъэпкъэгъумэ зэрар къафихьыным Адыгеим щытещыныхьэхь.

 КъэралыгъуитIумэ зэряцIыфым епхыгъэ  къэушыхьатыныгъэхэр Iуахыжьыным игухэлъ УрысыемкIэ IэнэтIэIыгъхэм къыщхагъщыгъ.
ХэбзэгъэуцугъакIэ хъунэу щытэу зыхэплъэнэу агъэхьазыррэ шапхъэм зэритымкIэ,  цIыфмэ зы къэралыгъоу зырицIыфмэ зышIоигъор къыхахын  фае хъунэу ары къызэрэхъущтыр хэбзакIэр унэшъошIмэ аштэмэ.

Фэдэ гупшысакIэм адыгэ лъэпкъэгъухэу адыгэ хэкухэм къэзгъэзэжьхэрэмрэ къэкIожьыгъахэхэмрэ язэрар къякIынэу бэдаушыбэмэ алъытэ. Фитыныгъэ радиом игущыIэгъугъэ Мыекъэопэ Адыгэ Хасэм ипащэу Чундышко Заурбий зэрилъытэрэмкIэ, фэдэ хэбзэгъэуцугъакIэм икъыхэлъхьан дэгузэжъуагъэх.

- Адыгэ лъэкъэгъухэм япхыгъэу упчIэр пштэмэ сыдэущтэу ахэмэ язэрар къякIын ылъэкIыщта, о зэрэплъытэрэмкIэ?

- Джы дэдэм яапэрэ егъэжьэгъоу ягражданствэ аIыпхынышъ, къыздэкIожьыгъэ къэралыгъом ицIыф закъо пшIыным жьыIоу сеплъы. Сыда пIомэ ишIогъэшхо зэу къямыкIынкIи мэхъу. Хэхыныгъэ фитыныгъэ яIэн фае. КъыздэкIуанъэр къемыкIугъэмэ уIыфым ыгъэзэжьын фитыныгъэ иIэн фае.

- Мыры, кIэлъыплъэкIуабэмэ къыхагъэщы, ащ фэдэ хэбзэгъэуцугъакIэр аштэным ылъапсэр ыпэкIэ щыIэгъэ «гъучI хъагъэм» къытырагъэзэжьыным пылъхэ фэдэу ары, цIыфхэр зыми мыкIохэу, зи амылъэгъоу, нахь гъэIорышIэгъошIу хъунхэу. О сыдэущтэу плъытэра?

- Ары, ащ фэдэ Iахьи хэлъэу сеплъы. Мары, КъырымкIэ къэхъугъэм теплъмэ, зы мафэкIэ мин I5-20 Урысыем ипаспорт аратых урысхэу исхэм. Тэ мыкIэ ашхын ямыIэу, зыщалъэн ямыIэу, заом къыкIэныгъэхэм ятэжъугъэт тэIошъ, къытэдэIухэрэп. Джэуапынчъэх. Мы IоффымкIэ зэхэгъэуцогъэ дэгъу тищыкIагъ. ЩыIэ хэбзэгъэуцугъхэхэмкIэ, зымкIэ амал къыуетыукъэкуIожьынэу къэралыгъом , адырэ хабзэмкIэ гражданствэр къыуитыжьрэп.

Фитыныгъэ радио, Щэрджэс Ларис